De Weihnachtsg'schicht

De Weihnachtsg’schicht Kennt’s Ihr de heilige Weihnachtsg’schicht? Wo a Engal der Jungfrau Maria verspricht Dass a Kind kriagt, vo unserm Voda da drob’n An Buam den soll’n ma preis’n und lob’n. Und wenn er gebor’n wird, so hat er ihr g’sagt, dann is er bei de Leut’ recht g’fragt. Der brave Sepp, der Maria Ihr Mo’, is mit ihr nach Bethlehem davo’, zwecks der Volkszählung vom Kaiser. Doch b’setzt war’n olle Haiser und blieb’n iss eahna bloß a Stadl wo des oame schwangere Madl zwisch’n Esl und Ochs a Kind gebor’n hod und des, war dann der Sohn vom liab’n Gott. Damits’n alle find’n, vo Nah und Fern, war am Himmi a heller Stern. König und Hirten san kumma, vom Stern o’g’führt Und war’n vom Anblick des Bübals ganz g’rührt, Wias do so drin in da Krippn hod g’legn, hams’n olle glei’ recht meg’n Auf’d Knia san’s ganga und ham laut bet’ auf dassa eana de Welt rett’n tät. Und damit ma des nia vergessn ko, feiern olle Christ’n heit immer no auf der ganz’n Welt, Hand in Hand, jed’s Joar Weihnacht’ mitanand. Autor: Eva-Maria Herrmann